Ирээдүйд итгэлтэй залуу, өнгөрсөн түүх нь цэвэрхэн бүсгүй

Монгол охидуудын шалдан нүцгэн зураг, видео бичлэг, Монгол залуучуудын архидан согтуурч тас үсэрч буй зураг энд тэндэхийн вэб сайтууд дээр хэдэн зуугаараа тавигдаад хачин л юм болж байна даа. Өнөөх хувийн үзэл бодол, соёл, ирээдүйдээ итгэх итгэл нь өнөөгийн зарим нэгэн залуучуудын бодол санаанаас алга болчихсон мэт санагдана. Саяхан АНУ-ын нэгэн сенатор хүний, эхнэрийн шалдан зураг нетээр тэнүүчилээд, тэрхүү улс төрчийн нэр хүндийг нь сэвтээж, өрсөлдөгч нарт нь ашиг болж эхэлсэн тул тэр хүн мөн л эл асуудалаас болж ард түмэнээсээ уучлалт гуйн албан тушаалдаа дахин нэр дэвшихгүй гэдэгээ амлав. Хөөрхий эр мулгуу тэнэг явсан эхнэрийнхээ өнгөрсөн түүхээс болж хүнд байдалд орсон.
Бас нэг АНУ-ын Конгрессман болох боломжтой, чадалтай ирээдүйтэй нэгэн улс төрч хүн, гэр бүлийн асуудалаас болоод бас л ирээдүй нь бүрхэг болчих шиг боллоо. Энэ талаар эхнэр нь бас пресс ярилцлага өгөөд л байж байна. Хөөрхий зайлуул, ард түмэнээсээ уучлалт гуйгаад л, залуухан 20н хэдтэй байхдаа юугаа ч мэдэхгүй, алдартай Модел болох хүсэлдээ хөтлөгдөн ийм гэнэн алхамууд хийсэн ээ хүлээн зөвшөөрчээ, тэгээд энэхүү үйл хэрэгт нөхөр нь ямар ч холбоогүй болон нөхөрт нь итгэл хүлээлгэсэн хүмүүсээс уучлалт гуйн, хийж буй ажил албаа хугацаандаа дуусгаад өгөхийг нь зөвшөөрөхийг хүссэн байна. Энэ эхнэр урьд нь хийж явсан болчимгүй үйлдэлдээ хожим нь сайн сайхан амьдралд хүрсэн хойноо маш их харамсаж байгаагаа илэрхийлсэн байна. Энэ талаар уншиж явж байхдаа яагаад ч юм энэ шалдан зураг авхуулаад яваад байгаа охидууд хэзээ нэгэн цагт сайн ханьтай сайхан гэр бүлтэй болохоос гадна Монгол улсын ерөнхийлөгчийн ч гэргий болж магадгүй гэж бодож байгаагүй л юм байхдаа. Ерөнхийлөгчийн гэргий болно гэж боддоггүй юм аа гэхэд ирээдүйн ханьдаа ядаж нэр бүтэн очих зүрх сэтгэл байдаг болов уу? За бүр больёо гэхэд өсөж бойжуулсаныг нь бодож эцэг эхийнхээ нэрийг хугалахгүй байж болдоггүй л юм байх даа, эцэг эхийнхээ нэрийг боддоггүй хүн ирээдүйн хань ижилийнхээ нэрийг ч бодно гэж юу байхав дээ. Эрчүүд маань ч гэсэн их дээд сургуулиас завсардаж, зарим нэг нь их дээд сургуульд суралцаж байгаа ч яг ачир дээрээ сурч байгаа юмгүй бар цэгээний газараар өдөр болгон шахуу эргэлдэж, хичнээн хүүхэнтэй унтаж, хэдэн охин зовоосоноороо бахархаж явдаг богино ухаантай зарим нэгэн байх юм даа. АНУ-ын ерөнхийлөгч асан Эланор Рузвелть нэгэн удаа, "Хэн мөрөөдөж буй зүйлийнхээ сайн сайханы төлөө тэмцэнэ тэр хүн л ирээдүйдээ сайн сайханыг бүтээдэг" гэж хэлсэн байхад алдарт зохиолч Самуэл Жонсон мөн л "Одоо хийж буй зүйлээрээ ирээдүйг та худалдаж авдаг" гэж хэлсэн байх юм. Ингээд бодоод үзэхээр бидний амьдрал өнөөдөр хичнээн хэцүү байлаа ч ирээдүй хичнээн сайхан харагдана, гагцхүү тэр л гэгээлэг ирээдүйг бид бүтээхийн төлөө тэмүүлэх хэрэгтэй мэт санагднам.
Өнөөдөр бид хангалттай мөнгөгүй биднийг тоодоггүй төртэй, бүх л юм бүрхэг харагдаж байсан ч зовлогоо зовоон гэрэлт ирээдүйн төлөө тэмцэх хэрэгтэй юм шүү! Эрчүүд минь сайн сайханы төлөө тэмцье ажиллая, бүсгүйчүүд минь ирээдүйдээ нэр бүтэн очицгооё.

"Би ирээдүйрүү тэмүүлдэг эрч хүчтэй залуу, өнгөрсөн түүх нь цэвэр цэмгэр бүсгүйд дуртай"
                                                                     Оскар Ваялд

Чамтай санал нэг байна Оскар анд минь.
                                                           Б. Ууганбаяр 

ккк.


src: www.huslee.blog.banjig.net